Staršyniu Abjadnanaj hramadzianskaj partyi Anatola Labiedźku i aktyvista partyi Mikałaja Kazłova sud Leninskaha rajona Minska 16 lutaha aštrafavaŭ na 50 bazavych vieličyniaŭ (10,5 młn. rubloŭ), aktyvistku AHP Volhu Majoravu — na 20 bazavych vieličyń (4,2 młn. rubloŭ).
Na pasiadžeńni razhladalisia administracyjnyja pratakoły za ŭdzieł u pikiecie suprać milicejskaha hvałtu kala budynku Viarchoŭnaha suda 30 studzienia.
«Rašeńnie prahnazavanaje. Ja ŭ pačatku pasiadžeńnia vykazaŭ niedavier sudździ i skazaŭ, što rašeńnie suda ŭžo padrychtavanaje i mnie daduć štraf 50 bazavych», — paviedamiŭ Labiedźka.
Pavodle jaho słoŭ, aktyvisty partyi, chutčej za ŭsio, buduć abskardžvać rašeńnie, kab zatym dajści sa skarhami da Kamiteta AAN pa pravach čałavieka.
30 studzienia la budynka Viarchoŭnaha suda prajšła inicyjavanaja Labiedźkam akcyja salidarnaści sa źbitymi AMAP u sudzie Frunzienskaha rajona stalicy hramadskimi aktyvistami Maksimam Šycikam i Paŭłam Siarhiejem i karespandentam partała tut.by Paŭłam Dabravolskim, a taksama suprać nasilla ŭ dačynieńni da hramadzian z boku supracoŭnikaŭ milicyi. U akcyi ŭdzielničali pryblizna 15 čałaviek.
