Viarchoŭnaja rada Ukrainy admoviłasia vynieści votum niedavieru ŭradu na čale z Arsienijem Jacaniukom. U vypadku, kali pastanova ab votumie niedavieru nabrała b dastatkovuju kolkaść hałasoŭ, urad syšoŭ by u adstaŭku.
Pastanovu padtrymali tolki 194 deputaty. Dla jaho pryniaćcia było nieabchodna 226 hałasoŭ.
Za votum niedavieru hałasavali frakcyi Błoka Piatra Parašenki, «Baćkaŭščyna» i abjadnańnia «Samapomač» - usie jany ŭvachodziać u parłamienckuju kaalicyju, jakaja farmuje ŭrad. Suprać adstaŭki kabinieta ministraŭ vystupiŭ «Narodny front» - jaho ŭznačalvaje premjer-ministr Arsień Jacaniuk.
Deputat Viarchoŭnaj rady Mustafa Najem paviedamiŭ, što pierad hałasavańniem zału pasiadžeńniaŭ pakinuli deputaty «Apazicyjnaha błoka», stvoranaha prychilnikami byłoj Partyi rehijonaŭ.
