UEFA moža dyskvalifikavać paŭabaroncu maskoŭskaha «Łakamatyva» Dźmitryja Tarasava za demanstracyju futbołki z vyjavaj prezidenta Rasii Uładzimira Pucina paśla vyjaznoha matču 1/16 finału Lihi Jeŭropy z «Fienierbachče» (0:2).
«U dadzienym vypadku vidavočna parušeńnie dyscyplinarnaha rehłamientu i vidavočnaja pravakacyja. Tarasaŭ moža być dyskvalifikavany, pryčym na praciahły termin, minimum — 10 matčaŭ. Sankcyi mohuć prymianić i da «Łakamatyva», jaki dapuściŭ takoje», — raspaviała «R-Sport» krynica va UEFA.
Dziejańni Tarasava mohuć padpadać pad artykuł 14 dyscyplinarnaha rehłamientu UEFA, zhodna ź jakoj «asoba, jakaja abražaje čałaviečuju hodnaść asoby abo hrupy asob pa jakich-niebudź prykmietach … moža naklikać na siabie dyskvalifikacyju praciahłaściu nie mienš za 10 matčaŭ abo na peŭny pieryjad času abo inšyja adpaviednyja sankcyi».
Siomym punktam artykuła 14 rehłamientu ŭkazana, što «zabaraniajucca ŭsie formy ideałahičnaj, palityčnaj ci relihijnaj prapahandy». Tarasaŭ u lubym vypadku prapuścić matč u adkaz z «Fienierbachče» z-za pieraboru žoŭtych kartak.
Paśla matča Tarasaŭ zajaviŭ, što nie chacieŭ nikoha pakryŭdzić abo spravakavać. Pavodle jaho słoŭ, jon moža i ŭ nastupnym matčy vyjści na pole ŭ futbołcy z prezidentam Rasii.
