U Babrujsku adkryty dabračynny rachunak pa zbory srodkaŭ dla prajektna-kaštarysnaj dakumientacyi i praviadzieńnia rekanstrukcyi budynka ŭ pasiołku Hłuša pad muziej piśmieńnika Alesia Adamoviča.
Pra heta paviedamiŭ BiełTA načalnik hałoŭnaha ŭpraŭleńnia ideałahičnaj raboty, kultury i pa spravach moładzi Mahiloŭskaha abłvykankama Andrej Kuncevič.
«Ideja ab stvareńni muzieja našaha słavutaha ziemlaka abmiarkoŭvajecca daŭno. Tamu simvalična, što mienavita ŭ Hod kultury pryniata kančatkovaje rašeńnie, što muzieju być, srodki budziem źbirać na hetu dobruju spravu usim śvietam. My spadziajemsia padklučyć da hetaha pramysłovyja pradpryjemstvy, pryvatnych sponsaraŭ, hramadskaść i usich, chto nie abyjakavy da tvorčaści hienijalnaha čałavieka, jaki pa pravu źjaŭlajecca nacyjanalnym honaram Biełarusi», — adznačyŭ Andrej Kuncevič.
Muziej płanujecca stvaryć u budynku byłoj apteki (1935 hod pabudovy), dzie doŭhi čas pracavała maci Alesia Michajłaviča. Da taho ž u hady Vialikaj Ajčynnaj vajny apteka słužyła javačnaj kvateraj partyzan.
Ustanovu kultury płanujecca nazvać — muziej vajennaha letapisu «Vajna pad strechami». Heta budzie nie prosta ekspazicyja, pryśviečanaja žyćciu i tvorčaści piśmieńnika, a tut pasprabujuć adlustravać žyćcio jaho litaraturnych i kinahierojaŭ, pratatypami jakich stali miascovyja žychary, ich baraćbu z akupantami, a taksama pieryjady žyćcia Adamoviča, źviazanyja z kiniematohrafam, litaraturaj, hramadskaj dziejnaściu.
«Dla mianie infarmacyja ab stvareńni muzieja majho baćki — samaja radasnaja padzieja i dobry padarunak u pieršy dzień viasny, - skazała dačka piśmieńnika Natalla Adamovič.
— Zanadta doŭha vyrašałasia hetaje pytańnie na roznych uzroŭniach, ale, narešcie, lod kranuŭsia. I ja, maje siabry i kalehi hatovyja prykłaści maksimum namahańniaŭ, kab hetaja ideja jak maha chutčej ŭvasobiłasia ŭ žyćcio. u mianie jość šmat dakumientaŭ, fotazdymkaŭ, rukapisy i asabistyja rečy baćki, jakija ja hatovaja pieradać dla stvareńnia ekspazicyi ŭ budučym muziei».
Kali ŭdasca sabrać chutka dastatkovuju kolkaść srodkaŭ, to nie vyklučana, što adkryjuć muziej ci chacia b častku ekspazicyi ŭ 2017 hodzie, kali budzie adznačacca 90-hodździe z dnia naradžeńnia piśmieńnika.
