Dzień Voli ŭ 2015 h., fota Siarhieja Hudzilina
Pradstaŭniki demakratyčnych sił padali ŭ Minharvykankam zajaŭku na praviadzieńnie 25 sakavika tradycyjnaj akcyi z nahody Dnia Voli, paviedamiŭ BiełaPAN lidar Partyi BNF Alaksiej Janukievič.
Zajaŭka padadzienaja 3 sakavika. Akramia Janukieviča jaje padpisali Mikałaj Statkievič, Anatol Labiedźka, Vital Rymašeŭski, Viačasłaŭ Siŭčyk, Taćciana Mironava, Ryhor Kastusioŭ i Aleś Łahviniec.
Zbor udzielnikaŭ akcyi płanujecca na placoŭcy pierad budynkam akademii navuk z 18.00 da 19.00. Zatym u hetym ža miescy miarkujecca praviadzieńnie 20-chvilinnaha mitynhu, paśla čaho kałona demanstrantaŭ płanuje šeście pa chodnikach praśpiekta Niezaležnaści da parku Janki Kupały, dzie z 20.00 da 20.30 praciahniecca mitynh.
Jak adznačajecca ŭ zajaŭcy, metaj masavaha mierapryjemstva źjaŭlajecca «publičnaje abmierkavańnie i śviatkavańnie 98-j hadaviny abviaščeńnia Biełaruskaj Narodnaj Respubliki, a taksama abmierkavańnie i vykazvańnie hramadzianami svajho staŭleńnia da prablem hramadska-palityčnaha žyćcia Biełarusi i hieapalityčnaj situacyi ŭ rehijonie».
Mierkavanaja kolkaść udzielnikaŭ śviatkavańnia Dnia Voli — 950 čałaviek.
