Hamialčanka, jakaja ŭdaryła sužyciela u hrudzi nažom, paŭstanie pierad sudom, paviedamili ŭ Homielskim haradskim adździele Śledčaha kamiteta.
Mužčyna i žančyna paznajomilisia ŭ kancy 2015 hoda. Spačatku jon zajmaŭsia ramontam u jaje kvatery, a potym z-za adsutnaści ŭłasnaha žylla i zusim zastaŭsia tam žyć. Adnak z časam kvaternaje pytańnie stała častym čyńnikam skandałaŭ. Čarhovaja svarka zdaryłasia na stary Novy hod. Žančyna pasprabavała vyhnać mužčynu, adnak u adkaz pačuła: «Ja nikudy nie pajdu, možaš mianie zabić». Paśla hetaha haspadynia kvatery schapiła nož i ŭdaryła sužyciela prosta ŭ serca.
Apamiataŭšysia, žančyna, jakaja pracavała miedsiastroj, pasprabavała vyratavać mužčynu, adnak jon pamior amal imhnienna. Apošnimi słovami byli: «Trapiła ŭ Lenina». Jak akazałasia paźniej, u jaho na hrudziach była tatuiroŭka z vyjavaj Iljiča.
Sprava pieradadzienaja ŭ sud. Žančynie pahražaje da 15 hadoŭ turmy.
