Žychar Minska Uładzimir Padhoł źviarnuŭsia da ministra ŭnutranych spraŭ Biełarusi z zapytam adnosna historyi, kali DAIšnik z Bresta pasłaŭ zaciataha kiroŭcu na try litary. I atrymaŭ voś taki adkaz:
«Pavažany Uładzimir Michajłavič!
Vaš zvarot, jaki pastupiŭ na aficyjny internet-sajt Ministerstva ŭnutranych spraŭ Respubliki Biełaruś, razhledžany.
Pa sutnaści zadadzienych pytańniaŭ paviedamlaju, što raźmieščany na internet-sajcie artykuł vykazvaje subjektyŭny pohlad jaje aŭtara i ŭ pryviedzienym vypadku nie adpaviadaje realnaj rečaisnaści.
Praviedzienaj pravierkaj ustanoŭlena, što ŭ adkazie namieśnika načalnika UUS Bresckaha abłvykankama była vykarystana nie poŭnaja infarmacyja, jakaja ŭtrymoŭvajecca ŭ zaklučenni linhvistyčnaj ekśpiertyzy, što stvaryła ŭmovy dla jaje niapravilnaha razumieńnia.
Pry prahladzie videazapisu razmovy supracoŭnika DAI z kiroŭcam niecenzurnych vykazvańniaŭ zafiksavana nie było, što paćviardžajecca vysnovami ekśpiertyzy.
Hety fakt u sukupnaści ź inšymi dokazami, pasłužyli padstavaj dla spynieńnia ŭ dačynieńni inśpiektara DPS spravy ab administracyjnych pravaparušeńniach, adkaznaść za jakija praduhledžana artykułami 9.3 i 17.1 Kodeksa Respubliki Biełaruś ab administracyjnych pravaparušeńniach.
U adpaviednaści z patrabavańniami narmatyŭnych pravavych aktaŭ, jakija rehłamientujuć dziejnaść orhanaŭ unutranych spraŭ i ich strukturnych padraździaleńniaŭ, pry ŭzajemaadnosinach supracoŭnika DAI z udzielnikami darožnaha ruchu prajava familjarnaści i nietaktoŭnych pavodzin niedapuščalna.
Pa vynikach praviedzienaj pravierki dziejańniam inśpiektara DPS dadziena adpaviednaja acenka i ŭ dačynieńni da nazvanaha supracoŭnika pryniaty miery ŭździejańnia.
U vypadku niazhody z adkazam Vy možacie abskardzić jaho ŭ sudzie.
Namiesnik načalnika ŭpraŭleńnia DAI MUS Respubliki Biełaruś V.N.Harkun».
Nahadajem, što brescki kiroŭca napisaŭ zajavu, u jakoj prasiŭ ab pryciahnieńni da adkaznaści inśpiektara DPS: toj… pasłaŭ kiroŭcu «na ch…j», što trapiła na zapis videarehistratara. A jašče źviartaŭsia «małyš» i «Andruša».
Adkaz pryjšoŭ za podpisam namieśnika načalnika abłasnoj milicyi Viačasłava Maksimuka. Maksimuk śćviardžaje, što była praviedzienaja linhvistyčnaja ekśpiertyza.
Pavodle jaje, słovy «małyš» i «Andruša» nie źjaŭlajucca naŭmysnym prynižeńniem honaru i hodnaści asoby. Abrazaj nie źjaŭlajecca i vyraz «idzi na ch…j», choć nienazvany ekśpiert i pryznaje, što heta «nieprystojnaja forma vyrazu».
Z adkazu Harkuna vynikaje, što ciapier užo «niecenzurnych vykazvańniaŭ zafiksavana nie było».
