Ministr zamiežnych spravaŭ Polščy Vitald Vaščykoŭski ŭručyŭ Konradu Paŭliku rašeńnie prezidenta Andžeja Dudy ab pryznačeńni jaho na pasadu pasła Polščy ŭ Biełarusi.
Konrad Paŭlik — prafiesijny dypłamat. U MZS Polščy jon pracuje ad 2007 hoda. Ad 2010 pa 2012 hod jon pracavaŭ u Pastajannym pradstaŭnictvie Polščy pry Arhanizacyi ekanamičnaj supracy i raźvićcia (OECD) u Paryžy.
U 2012-2014 hadach byŭ namieśnikam dyrektara Departamienta pa spravach Uschodniaj Jeŭropy MZS, a paźniej dyrektaram. Pracavaŭ upaŭnavažanym ministra zamiežnych spravaŭ pa spravach Uschodniaha partniorstva.
Apošnija dva hady Konrad Paŭlik kaardynavaŭ zamiežnuju dapamohu Polščy, supracoŭnictva z palakami zamiežža, uschodniuju palityku i pytańni biaśpieki.
Novamu polskamu pasłu ŭ Biełarusi 39 hadoŭ. Jon naradziŭsia ŭ Varšavie. Skončyŭ fakultet mižnarožnych ekanamičnych i palityčnych adnosin Hałoŭnaj handlovaj škoły. U 2001-2006 hadach pracavaŭ u Orhusim univiersitecie ŭ Danii, abaraniŭ tam doktarskuju dysiertacyju.
Vałodaje anhlijskaj, rasijskaj i karejskaj movami. Žanaty, maje dačku.
Na praciahu dvuch tydniaŭ novy pasoł prybudzie ŭ Biełaruś. Jaho pieršym zadańniem na novaj pasadzie stanie padrychtoŭka vizyta ministra zamiežnych spravaŭ Polščy Vitalda Vaščykoŭskaha ŭ Minsk.
