Na transpartnym prypynku na Sadovym kole ŭ Maskvie źjaviŭsia płakat z partretam narodnaha deputata Ukrainy Nadziei Saŭčanka. Na płakacie zrobleny nadpis «Live! Živi!» na anhlijskaj i ruskaj movach.
Fatahrafiju raźmiaściła ŭ Fejsbuku karystalnik Viktoryja Iŭleva. Dla paćvierdžańnia było apublikavana i videa, źniataje na tym ža prypynku.
Nahadajem, 4 sakavika Nadzieja Saŭčanka aficyjna paćvierdziła pačatak «suchoj» haładoŭki. Va Ukrainie i śviecie ŭ hetyja dni prachodziać šmatlikija akcyi ŭ padtrymku ŭkrainki.
Nadziei Saŭčanka, vykradzienaj terarystami na terytoryi «ŁNR» i zatym vyviezienaj na terytoryju Rasii, prakuratura RF patrabuje prysudzić da 23 hadoŭ kałonii pa abvinavačańni ŭ nibyta datyčnaści da zabojstva rasijskich žurnalistaŭ u 2014 hodzie.