Fota: twitter.com/erinandrews
Sud amierykanskaha štata Teniesi prysudziŭ televiadučaj Eryn Endrus kampiensacyju ŭ pamiery 55 młn dalaraŭ za toje, što jaje zdymali aholenaj na schavnuju kamieru ŭ hateli horada Nešvił.
Eryn Endrus ŭ zale suda. Fota Mark Humphrey
Eryn Endrus ŭ zale suda. Fota Mark Humphrey
Prysiažnyja vyrašyli, što fatohraf abaviazany budzie vypłacić joj 51% ad sumy, a astatniuju častku zapłaciać dźvie kampanii, jakija vałodajuć haścinicaj.
Incydent adbyŭsia ŭ 2008 hodzie. Spartyŭnuju kamientatarku telekanała Fox News źniaŭ praz vočka ŭvachodnych dźviarej Majkł Devid Baret, jaki zatym vykłaŭ videa ŭ internet.
Viadučaja padała ŭ sud na Bareta i ŭładalnikaŭ haścinicy, zapatrabavaŭšy 75 młn dalaraŭ u jakaści kampiensacyi.
Sam Baret pryznaŭsia, što tajemna zdymaŭ Endruc na videa. Pavodle jaho, pryčynaj stała praha nažyvy. Jon vykłaŭ videa ŭ internet paśla taho, jak sajt pra znakamitaściaŭ TMZ admoviŭsia kuplać videa.
Baret pryznaŭ svaju vinu ŭ pieraśledzie Endruc, zamienie vočka ŭ haściničnaj dźviery i zdymkach videa. Jamu prysudzili 2,5 hoda turmy.
