Deputaty Jeŭraparłamienta zaklikali kiraŭnika jeŭrapiejskaj dypłamatyi Fiederyka Mahieryni ŭvieści piersanalnyja sankcyi ŭ dačynieńni da prezidenta Rasii Uładzimira Pucina i jašče 28 asob u suviazi sa spravaj Nadziei Saŭčanka.
List, padpisany 57 parłamientaryjami, pieraličvaje tych, chto, na dumku jeŭradeputataŭ, «adkazny za palityčnaje rašeńnie ab vykradańni Saŭčanki, transparciroŭcy jaje na terytoryju Rasii, niezakonnaje jaje zatrymańnie i pradjaŭleńnie sfabrykavanych abvinavačvańniaŭ». Taksama, na dumku palitykaŭ, sankcyi varta nakłaści na tych, chto adkazny za «lehitymizacyju dziejańniaŭ Rasii ŭ vačach suśvietnaj supolnaści».
Akramia Pucina, u hety śpis trapili kiraŭnik FSB Rasii Alaksandr Bortnikaŭ, kiraŭnik kamiteta Dziarždumy pa mižnarodnych spravach Alaksiej Puškoŭ, kiraŭnik Śledčaha Kamiteta Alaksandr Bastrykin, lider samaabvieščanaj Łuhanskaj narodnaj respubliki Ihar Płatnicki, a taksama šerah śledčych, sudździaŭ i inšych asob.
Zvarot vykłaŭ u svaim Twitter polski jeŭradeputat Jacek Saryjuš-Volski.
