19 krasavika ŭ Varšavie adbylisia tradycyjnyja mierapryjemstvy, pryśviečanyja 214-aj hadavinie kaściuškoŭskaha paŭstańnia, arhanizavanyja Polskim fondam imia T.Kaściuški i Tavarystvam pabudovy pomnika T.Kaściušku ŭ Varšavie.
Adbyłasia ŭračystaja słužba ŭ palavym kaściole Vojska Polskaha i ŭskładańnie kvietak da skryni z sercam T. Kaściuški ŭ Karaleŭskim zamku ŭ Varšavie, a taksama inscenizacyja kaściuškoŭskaha paŭstańnia ŭ vykanańni vajenna-histaryčnych kłubaŭ z Polščy.
Va ŭskładańni kvietak da skryni z sercam T. Kaściuški ŭ Małachitavaj zale Karaleŭskaha zamku pryniali ŭdzieł pradstaŭniki Kancelaryi Prezidenta Polščy, Ministerstva abarony Polščy, meryi Varšavy, Pasoł Biełarusi Pavieł Łatuška, pradstaŭniki Bresckaha abłvykankama, polskich hramadskich arhanizacyj, licejaŭ i škoł.
