U Biarozaŭskim rajonie 16 sakavika zdaryŭsia pažar u mašynnym adździaleńni elektravoza pasažyrskaha ciahnika № 607 Minsk — Brest.
Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, infarmacyja ab zdareńni kala vioski Kabaki na pierahonie pamiž čyhunačnymi stancyjami Biaroza-Kartuzskaja i Arančycy ŭ 16.58 pastupiła biarozaŭskim ratavalnikam.
Zaharańnie likvidavana supracoŭnikami čyhunki vuhlekisłotnymi vohnietušycielami da prybyćcia da miesca vykliku padraździaleńniaŭ MNS. Paciarpiełych niama. Ahniom paškodžana elektrapravodka ŭ błoku siłavych ustanovak elektravoza.
Pasažyrski ciahnik u składzie šaści vahonaŭ naležyć Biełaruskaj čyhuncy. U ciahniku znachodzilisia 283 pasažyry i 13 čałaviek absłuhovaha piersanału (12 pravadnikoŭ, načalnik ciahnika).
U 17.20 da miesca spynieńnia ciahnika byŭ nakiravany manieŭrovy ciepłavoz. U 17.55 sastaŭ razam z pasažyrami pajechaŭ da stancyi pryznačeńnia Brest-Centralny.
Zatrymka ruchu ciahnika skłała 80 chvilin. Spynieńnie elektraciahnika nie parušyła ruchu inšych sastavaŭ u hetym kirunku.
