Polski ŭrad choča zamianić bajavyja mašyny piachoty savieckaj raspracoŭki (BMP-1 i BMP-2) novymi husieničnymi mašynami, paviedamiŭ namieśnik ministra abarony Bartaš Kaŭnacki.
tanks-encyclopedia.com
«Heta bujny prajekt na nastupnyja hadoŭ 10, jaki, pa roznych acenkach, budzie kaštavać ad 20 da 80 młrd złotych, kali my budzie nabyvać i bolš lohkuju, i bolš ciažkuju techniku», — skazaŭ čynoŭnik.
Ciapier u Polščy bolš za 1000 BMP abodvuch typaŭ. Urad razhladaje roznyja varyjanty ažyćciaŭleńnia prajekta, ale ŭ asnoŭnym kancentrujecca na tym, kab vytvorčaść adbyvałasia ŭ Polščy pa licenzii ci praz stvareńnie ahulnaha kancerna.
Polšča aktyvizavała nabyćcio novych uzbrajeńniaŭ paśla pačatku ahresii RF suprać Ukrainy ŭ 2014 hodzie.
BMP-1 i BMP-2 składajuć pieravažnuju bolšaść lohkaj braniatechniki biełaruskaj armii.
