Adnačasova z zaviadzieńniem spravy ab bankructvie «Sierža» ab svajoj ekanamičnaj niepłaciežazdolnaści abviaściła inšaja niekali viadomaja biełaruskaja kampanija «Ikartajm». Jana — stvaralnik pieršaha nacyjanalnaha kavavaha brenda Matador.
Sprava «Ikartajm» z 9 sakavika razhladajecca ŭ Ekanamičnym sudzie Minskaj vobłaści — pa miescy prypiski «kavavaj kampanii» ŭ Astrašyckim haradku. Mienavita tam z 1997 hoda znachodziłasia fabryka, u jakuju inviestavali Artur Adamian i Jervand Isaja.
Akramia Matador, za hetyja hady «Ikartajm» zapomniŭsia takimi brendami jak «Čornaje ziernie» i El Café Barcelona. Pačała kampanija pracavać i pa čaju, zapuściŭšy marku Greenwich. Jašče adnym nakirunkam, u jaki inviestary pačali ŭkładvacca napiaredadni kryzisu, stała sietku čajnych kram Bungalow.
Ab prablemach «Ikartajm» stała viadoma ŭ pieršaj pałovie 2015 hady ad supracoŭnikaŭ (u lepšyja časy na firmie pracavała kala 300 čałaviek), jakim amal paŭhoda nie vypłačvali zarobki. U samoj kampanii pryčynaj prablemy nazvali sprečki z «Biełahraprambankam». «Ikartajm» praterminavaŭ pahašeńnie kredytu, što pryviało da aryštu jašče z kanca 2014 hodu jaho rachunkaŭ. Vytvorca kavy z hetaj nahody sudziŭsia z bankam u Ekanamičnym sudzie Minskaj vobłaści.
