Uviečary 17 sakavika na pieršaj linii Minskaha mietrapalitena byŭ spynieny ruch na 20 chvilin z-za padzieńnia pasažyra na rejki. Mužčyna zahinuŭ na miescy. Pavodle papiaredniaj viersii, havorka idzie pra suicyd, paviedamili ŭ pres-słužbie staličnaj padziemki.
«Zahinuŭ 26-hadovy minčanin. Pravaachoŭniki ciapier pravodziać pravierku pa hetym fakcie. Papiaredniaja pryčyna zdareńnia — suicyd», — raspavioŭ pres-sakratar Minskaha mietrapalitena Andrej Kuźmin.
U mietro nahadali, što pasažyry pavinny stroha vykonvać praviły pieravozak, u tym liku nie ryzykavać žyćciom, stojačy blizka la kraju płatformy. Ale nie mienš važna — źviartać uvahu na tych, chto staić pobač.
«Kali vy zaŭvažyli niešta dziŭnaje ci nieadekvatnaje ŭ pavodzinach inšych pasažyraŭ, pa mahčymaści treba rabić niejkija zchady. Viadoma, nie hrebujučy pry hetym ułasnaj biaśpiekaj. U pryvatnaści, kali vy stali śviedkam padzieńnia čałavieka na rejki — treba niešta zrabić, kab spynić ciahnik. Naprykład, padajučy sihnały abo paviedamiŭšy ab tym, što zdaryłasia supracoŭniku mietrapalitena abo milicyi. Heta značyć imknucca praduchilić takija trahiedyi», — patłumačyŭ pradstaŭnik Mienskaha mietrapalitena.
