Prezident ZŠA Barak Abama ŭ niadzielu pačynaje dvuchdzionny vizit na Kubu, užo nazvany histaryčnym.
Jon praviadzie pieramovy z kubinskim lidaram Raulem Kastra, sustreniecca z kiraŭnikami kubinskich pradpryjemstvaŭ i pradstaŭnikami hramadzianskaj supolnaści i vystupić u žyvym efiry miascovaha telebačańnia.
Sustrečy ź Fidelem Kastra nie płanujecca. Pa słovach daradcy Abamy Bena Rodsa, takoj prapanovy nie vyłučaŭ ni adzin z bakoŭ.
Heta pieršy vizit dziejnaha kiraŭnika Biełaha doma ŭ susiedniuju dziaržavu z 1928 hoda. U 2002 hodzie na Kubie pabyvaŭ eks-prezident Džymi Karter. Kubinskija lidary za apošnija dziesiacihodździ naviedvali ZŠA nieadnarazova, ale tolki dla ŭdziełu ŭ siesijach Hienasamblei AAN.
«Narmalizacyja adnosin z Kubaj stała dypłamatyčnym pośpiecham, jaki pavinien naroŭni ź jadziernaj ździełkaj u adnosinach da Irana stać častkaj źniešniepalityčnaj spadčyny Abamy», — havorycca ŭ kamientary ahienctva Rejter.
