Lilija Ananič |
Pavodle jaje słoŭ, nieabchodnaść raźvićcia zakanadaŭstva ab ŚMI tłumačycca tymi źmienami, jakija adbylisia ŭ infarmacyjnaj prastory za apošnija 15 hadoŭ, z času pryniaćcia zakona «Ab druku i inšych ŚMI». U pryvatnaści, za hety čas źjavilisia i nabyli peŭnuju papularnaść interniet‑ŚMI. Akramia taho, jak zaznačyła Ł.Ananič, biełaruski zakon siońnia faktyčna źjaŭlajecca kalkaj z rasijskaha zakona, jaki byŭ pryniaty jašče raniej.
«Jon nie pieraškadžaje nam pracavać. Ale kali zakanadaŭstva pačynaje adstavać ad raźvićcia infarmacyjnaj prastory, heta niapravilna», — zaznačyła pieršy namieśnik ministra.
Ł.Ananič paviedamiła, što ŭ novaj viersii dakumienta płanujecca zakanadaŭča ŭrehulavać dziejnaść interniet‑ŚMI. U tym liku płanujecca vyznačyć, ci źjaŭlajucca samastojnymi ŚMI interniet‑viersii drukavanych vydańniaŭ.
Pavodle słoŭ Ł.Ananič, siońnia taksama źjaviłasia šmat pytańniaŭ, što tyčacca paniacijnaha aparatu i pravaprymianialnaj praktyki ŭ halinie ŚMI.
«U nas u krainie ŭžo nie pieršy hod pracuje novy Hramadzianski kodeks, tam užo inšyja definicyi, jakija nie ŭkładvajucca ŭ zakon «Ab druku i inšych ŚMI», — skazała Ł.Ananič.
Pieršy namieśnik ministra zaznačyła, što ciapier Mininfarmacyi farmuluje prapanovy i ŭnosić ich u Nacyjanalny centr zakonaprajektnaj dziejnaści. Jana nie vyklučaje, što pieršyja vyniki hetaj pracy buduć abmiarkoŭvacca ŭ miežach XII Mižnarodnaj śpiecyjalizavanaj vystavy «SMI ŭ Biełarusi», jakaja projdzie 28 krasavika — 1 maja.