Pierśpiektyvy zabudovy mikrarajona Kurasoŭščyna ŭ miežach vulic Karžanieŭskaha — Kazinca miascovym žycharam pradstavili jašče ŭ lutym. U płanach architektaraŭ pabudavać tam niekalki handlovych centraŭ i puścić tramvaj. Čarhovy horadabudaŭničy prajekt, jaki ŭvajšoŭ u hienpłan Minska, zakranie jašče niekalkich vulic Kurasoŭščyny, a dakładniej terytoryi ŭ miežach vuł. Kazinca — 3-je transpartnaje kalco — vuł. Bresckaja.
U adroźnieńnie ad inšych rajonaŭ, u Kurasoŭščynie šmat budavać nie płanujuć. Tak, pa prajekcie tut budzie 12-paviarchovy žyły dom z padziemnym parkinham. Dla budaŭnictva jašče dvuch šmatkvaternych damoŭ źniasuć dva ŭžo adsielenyja dvuchpaviarchoviki na vulicy Bresckaj — № 58/2 i № 60.
Pahladzieć płan u poŭnym pamiery možna tut
Zapłanavany ŭ kvartale i dva šmatfunkcyjanalnyja hramadska-handlovyja centry z padziemnym parkinham na 112 i 125 mašynamiescaŭ, internat, dziciačaje kafe, handlovy centr i mahazin.
Hramadskaje abmierkavańnie prajekta budzie prachodzić z 28 sakavika pa 21 krasavika. Aznajomicca z materyjałami možna z 28 sakavika pa 11 krasavika ŭ chole administracyi Kastryčnickaha rajona Minska pa adrasie: vuł. Čkałava, 6, 1-šy pavierch, štodnia z 9.00 da 18.00, akramia niadzieli.
Prezientacyja materyjałaŭ prajekta adbudziecca 30 sakavika ŭ 17.00 u zale pasiadžeńniaŭ administracyi Kastryčnickaha rajona.
