U Minsku adkryćcio siezona atrakcyjonaŭ płanujecca na 15 krasavika, paviedamiŭ hienieralny dyrektar kamunalnaha ŭnitarnaha pradpryjemstva «Minskzialonbud» Ihar Kušniarevič siońnia na apieratyŭnaj naradzie ŭ Minharvykankamie.
«U Minsku pačałasia padrychtoŭka da ekspłuatacyi atrakcyjonaŭ. Zhodna z płanam mierapryjemstvaŭ pa raskansiervacyi atrakcyjonaŭ, vykonvajecca kompleks rabot», — skazaŭ Ihar Kušniarevič.
Śpiecyjalisty praviarajuć mietałakanstrukcyi na tryvałaść, pravodziać hruzavyja vyprabavańni i elektrafizičnyja vymiareńni, udakładniŭ hiendyrektar. U vypadku nieabchodnaści znošanyja detali, vuzły i miechanizmy buduć zamienieny. «Pry ŭmovie vykanańnia norm biaśpieki Dziaržpramnahlad vydaje dazvoły na zapusk atrakcyjonaŭ», — adznačyŭ Ihar Kušniarevič.
