Asnoŭny ŭładalnik kampanij «Handlovy śviet Kołca» i «Rostem» Jury Aviarjanaŭ znachodzicca za miežami Biełarusi.
Biznesoviec z dačkoj Natallaj.
«Handlovy śviet Kołca» abjadnoŭvaje aŭtamabilny i budaŭničy rynki i handlovyja centry ŭ staličnym mikrarajonie Malinaŭka. Struktura kampanii «Rostem» ŭklučaje ŭ siabie try abjekty: Centralny rynak budaŭničych materyjałaŭ va Uruččy, park zabaŭ «Dreamland» i filijał «Ahrafirma «Illa».
«U Juryja Aviarjanava vialikija daŭhi pierad bankami. Jon mocna trapiŭ na hrošy na akvaparku. My ź im daŭno nie bačylisia, ale, pa majoj infarmacyi, jon ciapier u Hiermanii ci Italii», — skazaŭ znajomy biznesmiena. «Bank chacieŭ spahnać daŭhi. U sud zaprasili Aviarjanava. Ale jon nie pryjšoŭ, tamu što ŭžo daŭno žyvie ŭ Niamieččynie», — dadaŭ top-mieniedžar pryvatnaha banka. Krynicy aceńvajuć daŭhi pa kredytach i płaciažach u biudžet u miežach $30-40 miljonaŭ.
Pa stanie na 1 sakavika «Rostem» i «Handlovy śviet Kołca» značylisia ŭ śpisach kampanij, jakija dapuścili zapazyčanaść pa płaciažach u biudžet Minska i Minskaj vobłaści.
Paśla taho jak pravaachoŭnyja orhany zacikavilisia biznesam Juryja Aviarjanova, biznesmien pakinuŭ krainu, kažuć surazmoŭcy. U pačatku «nulavych» jon taksama adjazdžaŭ ź Biełarusi, kali na łavie padsudnych apynulisia šaściora kiraŭnikoŭ aŭtamabilnaha rynku.
* * *
Čytajcie taksama:
Historyja pośpiechu: miljanier Juryj Aviarjanaŭ
