Pjanaha kiroŭcu ŭ pamiežnaj zonie niedaloka ad Ukrainy daviałosia zatrymlivać sa stralboj, paviedamili ŭ pres-słužbie Dziaržpahrankamiteta.
Siońnia nočču ŭ Małaryckim rajonie kiroŭca Audi, ruchajučysia ŭ pamiežnaj zonie, praihnaravaŭ patrabavańni pahraničnaha narada ab spynieńni. Kab paźbiehnuć zatrymańnia, jon pasprabavaŭ źbić vajskoŭcaŭ i ŭciačy ź miesca zdareńnia. Dla spynieńnia aŭtamabila i praduchileńnia supraćpraŭnych dziejańniaŭ parušalnika pamiežnikam pryjšłosia vykarystać tabielnuju zbroju.
Paśla zatrymańnia akazałasia, što kiroŭca byŭ pjany.
U dačynieńni da mužčyny składzieny administracyjny pratakoł za niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni joj słužbovych paŭnamoctvaŭ.
Dla dalejšaha razhladu debašyra dastavili ŭ Małarycki rajonny adździeł unutranych spraŭ.