Słavienija vystupała suprać sankcyj u dačynieńni da Biełarusi, zajaviŭ vice-premjer — ministr zamiežnych spraŭ Słavienii Karł Erjaviec 25 sakavika ŭ Minsku na sustrečy z kiraŭnikom MZS Biełarusi Uładzimiram Makiejem u Minsku.
«Słavienija, budučy členam ES, na praciahu ŭsiaho času vystupała suprać režymu sankcyj u dačynieńni da Biełarusi, bo ličyć, što jany nie vyrašajuć isnujučych prablem, — skazaŭ čynoŭnik. — Słavienija razam ź niekatorymi inšymi krainami na praciahu ŭsiaho hetaha času vystupała suprać prymianieńnia sankcyj».
Erjaviec padkreśliŭ, što dobryja palityčnyja adnosiny sami pa sabie źjaŭlajucca asnovaj dla dobrych adnosin pamiž krainami ŭ inšych halinach. «Słavienija tradycyjna mieła dobryja i družalubnyja adnosiny ź Biełaruśsiu navat u tyja pieryjady, kali byli niekatoryja prablemy i abmiežavańni ŭ kantaktach», — skazaŭ ministr.
Jon taksama padkreśliŭ, što Słavienija vielmi šanuje pazityŭnuju rolu Biełarusi, jakuju kraina ihraje ŭ rehijonie, asabliva ŭ suviazi z kryzisam va Ukrainie.
U svaju čarhu, Makiej adznačyŭ, što «ščyra rady» vitać słavienskuju delehacyju. Źviartajučysia da słavienskaha kalehi, jon skazaŭ: «Vielmi važna, što vas supravadžaje vialikaja pradstaŭničaja delehacyja. Heta śviedčyć ab nacelenaści na prahmatyčny dyjałoh, jaki sfakusavany na praduktyŭnaje supracoŭnictva i realizacyju prajekta». Pavodle słoŭ Makieja, taki padychod simpatyzuje Biełarusi. «My ličym, što źniešniaja palityka dziaržavy pavinna aryjentavacca na dasiahnieńnie biaśpieki i dabrabytu naroda», — skazaŭ jon.
Makiej taksama adznačyŭ, što siońnia isnuje šerah vyklikaŭ i pahroz, jakija ŭpłyvajuć na ekanamičnuju situacyju ŭ rehijonie. «U nas jość što abmierkavać, jość šerah pytańniaŭ, jakija patrabujuć rašeńniaŭ», — skazaŭ biełaruski ministr.
