Elektaralny rejtynh Alaksandra Łukašenki źniziŭsia z 33,3% u śniežni 2015 hoda da 27,3% siońnia.
president.gov.by
Pra heta paviedamlaje Niezaležny instytut sacyjalna-ekanamičnych i palityčnych daśledavańniaŭ (NISEPD), zarehistravany ŭ Vilni, pa vynikach svajho sakavickaha ahulnanacyjanalnaha apytańnia.
Pa dadzienych apytańnia, u vieraśni 2015 hoda za Łukašenku hatovyja byli hałasavać 45,7% biełarusaŭ, u śniežni — 33,3%, siońnia — 27,3%. Sacyjołahi nahadvajuć, što minimalnyja elektaralnyja rejtynhi prezidenta fiksavalisia ŭ sakaviku 2002 hoda — 26,4%, i ŭ vieraśni kryzisnaha 2011 hoda — 20,5%).
Źniziŭsia i rejtynh davieru kiraŭniku Biełarusi.
Tak, kali ŭ vieraśni jamu daviarali 53,5% respandentaŭ, a nie daviarali 33,3%, u śniežni 2015 h. — 47% i 37,1%, to siońnia jamu daviarajuć 41,7%, a nie daviarajuć 47,4%.
Usio bolš biełarusaŭ chočuć pieramienaŭ.
Kali ŭ sakaviku 2006 hoda dla 53,4% apytanych było važniej zachavańnie ciapierašniaha stanovišča, a dla 37,8% jaho źmiena, u červieni 2014 hoda — 38,3% vs. 52,1%, to siońnia za zachavańnie vykazvajucca tolki 24,7%, a za źmianieńnie — 67,3% (u kryzisnym 2011 hoda było 18% vs. 70,1%).
