Staršynioj Nacyjanalnaha schodu (parłamienta) Vjetnama ŭpieršyniu ŭ historyi stała žančyna. Pra heta paviedamlaje ŭ čaćvier, 31 sakavika, Associated Press.
Thong Nhat / Vietnam News Agency /AP
Za pryznačeńnie 61-hadovaj Nhujen Tchi Kim Nhan prahałasavali 95,5% deputataŭ. Na pasadzie śpikiera parłamienta jana źmienić Nhujen Šyń Chunha, jaki ŭznačalvaŭ Nacyjanalny schod na praciahu apošnich piaci hadoŭ.
Nhujen Tchi Kim Nhan maje vialiki vopyt partyjnaj, administracyjnaj i hramadskaj pracy. Z 2011 hoda i da ciapierašniaha času jana zajmała pasadu namieśnika staršyni parłamienta, a taksama źjaŭlajecca členam Palitbiuro Centralnaha kamiteta Kamunistyčnaj partyi Vjetnama. Akramia hetaha jana pracavała ŭ sistemie ministerstva finansaŭ.
U ciapierašni čas u Chanoi prachodzić siesija Nacyjanalnaha schodu, na jakoj abirajecca novy skład kiraŭnictva vykanaŭčaj ułady Vjetnama. U čaćvier, 31 sakavika, u parłamiencie adbudziecca hałasavańnie pa vybarach novaha prezidenta i novaha premjer-ministra krainy. Miarkujecca, što hetyja pasady zojmuć adpaviedna ciapierašni ministr hramadskaj biaśpieki Čan Daj Kuanh i ciapierašni vice-premjer Nhujen Suan Fuk.
