Try snarady, vypuščanyja ŭdzielnikami kanfliktu ŭ Nahornym Karabachu viečaram 2 krasavika, upali na terytoryju Irana. Pra heta zajaviŭ namieśnik hubiernatara iranskaj pravincyi Uschodni Azierbajdžan Said Šabiestary Chijabani.
Pa słovach namieśnika hubiernatara, snarady trapili na terytoryju niepadalok ad vioski Chada-Avarym. Siarod miascovaha nasielnictva nichto nie paciarpieŭ, paviedamlaje ahienctva Tasnim. «Na ščaście, inšych strat, akramia nievialikaha paškodžańnia apor linij elektrapieradačy, jakoje pryviało da časovych pierabojaŭ z elektraenierhijaj, nie było», — raspavioŭ jon.
Chijabani taksama adznačyŭ, što paśla incydentu pradstaŭniki iranskaj pamiežnaj słužby sustrelisia z aficyjnymi pradstaŭnikami bakoŭ, jakija ŭdzielničajuć u kanflikcie ŭ Nahornym Karabachu. «Padčas sustrečy abodva baki kanfliktu atrymali surjoznyja aficyjnyja papiaredžańni z boku pahransłužby Irana, i paabiacali, što padobnyja incydenty nie paŭtoracca», — skazaŭ čynoŭnik, dadaŭšy, što Iran zaklikaje abodva baki być strymanymi.
