Viečaram u niadzielu ŭ polskim siehmiencie fejsbuka źjaviŭsia rolik «U kaściole śviatoj Hanny ŭ Varšavie vierniki tak adreahavali na pračytańnie lista Kanfierencyi Biskupaŭ Polščy pra aborty».
Na videa katalički pakidali kaścioł u znak abureńnia zaklikam biskupaŭ da poŭnaj zabarony abortaŭ u Polščy. A samaja aktyŭnaja navat pačała hučna aburacca padčas nabaženstva. Rolik źmiaściła na svajoj staroncy polskaja Gazeta Wyborcza.
Adnak naziralniki adrazu zaŭvažyli peŭnyja niedarečnaści.
Pa-pieršaje, pazicyja Kaścioła ŭ hetym pytańni nijak nie źmianiałasia i daŭno była ŭsim viadomaja — katoliki ličać dzicia čałaviekam z momanta pačaćcia i ŭžo dziasiatki hod zaklikajuć da abarony čałaviečaha žyćcia z hetaha momanta.
Pa-druhoje, dziŭnym čynam u patrebny čas u kaściole źjaviŭsia čałaviek ci niekalki čałaviek, jakija z roznych kropak zapisvajuć videa i huk u HD-jakaści.
Sumnieńni vyklikali ŭ niekatorych błohieraŭ žadańnie vyvučyć historyju padziei bolš padrabiazna.
Akazałasia, što heta nie «vierniki tak adreahavali», a polskija prychilniki abortaŭ śviadoma pryjšli ŭ kaścioł… kab vyjści.
«Sustrakajemsia na niadzielnaj Imšy ŭ Varšavie ŭ kaściole sv.Hanny apoŭdni», — havorycca ŭ abjavie, jakuju raźmiaścili ŭ adnoj z praabortnych hrup.
«Cudoŭnaja ideja, taki sabie fłešmob. Dobra było b, kab heta vyhladała, byccam b sapraŭdnyja aburanyja vierniki vychodziać, pačuŭšy źmiest», — kaža adzin z kamientaraŭ u hrupie.
Tak byŭ stvorany infarmacyjny fejk.
Pryčym samaja aburanaja «viernica» na videa — adna z aktyvistak ŁHBT-ruchu ŭ Polščy Hanna Zavadzkaja.
