Daśledniki z Univiersiteta Makmastera vyjavili klučavy kampanient, z dapamohaj jakoha imunnaja sistema spraŭlajecca ź virusnymi infiekcyjami. Adkryćcio dazvolić raspracavać pryščepki ad hierpiesu, prastudy i navat raku. Daśledavańnie apublikavanaje ŭ časopisie Nature Immunology.
Važnym faktaram u vyjaŭleńni infiekcyi achoŭnymi sistemami arhanizma akazaŭsia białok S6K1, asnoŭnyja funkcyi jakoha akazalisia źviazanyja z zusim inšymi pracesami, a mienavita paskareńniem sintezu białku ŭ rybasomach i dzialeńniem kletak. Białok S6K1 i białok STING aktyvujuć vytvorčaść rehulatarnaha faktaru interfieronu 3 (IRF3).
S6K1 byŭ brakujučym źvianom u razumieńni navukoŭcami, jak infiekcyi aktyvujuć faktary IRF — malekuły, jakija zapuskajuć sintez interfieronaŭ, jakija, u svaju čarhu, robiać kletki nieŭsprymalnymi da virusaŭ.
Uvieś łancužok padziej možna pradstavić nastupnym čynam. Kali virus pranikaje ŭ kletku, jon rujnuje abałonku jadra, i DNK traplaje ŭ cytazol. Apošniaje źjaŭlajecca sihnałam, jaki aktyvuje achoŭnyja sistemy arhanizma. Z DNK źviazvajecca fiermient cGAS, jaki pačynaje katalizavać sintez miesiendžaraŭ — malekuł-pieranosčykaŭ sihnału. Jany aktyvujuć białok STING, jaki źviazvajecca z S6K1 i ŭtvaraje kompleks, nieabchodny dla pracy IRF3.
Navukoŭcy vyjavili, što S6K1 hraje vyrašalnuju rolu ŭ zabieśpiačeńni imunitetu nie tolki suprać virusaŭ, ale i rakavych kletak. Pa słovach daślednikaŭ, rehulacyja aktyŭnaści białku dazvolić u budučyni stvarać vakcyny, jakija buduć bolš efiektyŭnymi, čym isnujučyja.
Raniej imunałohii ŭdałosia atrymać antycieły, jakija raspaznajuć roznyja štamy virusa hrypu i jakija mohuć stać asnovaj dla univiersalnaj vakcyny suprać štohadovych epidemij.