Kali Rasija pierastanie pastaŭlać Armienii i Azierbajdžanu ŭzbrajeńnie, jaje miesca zojmuć inšyja krainy, zajaviŭ rasijski premjer-ministr Dźmitryj Miadźviedzieŭ.
«Kali my sabie ŭjavim na chvilinku, što Rasija admoviłasia ad hetaj roli, — my ž vydatna razumiejem: heta miesca pustym nie budzie. Buduć kuplać zbroju ŭ inšych krainach, stupień jaho śmiertanosnaści ad hetaha nie pamienšycca», — skazaŭ Miadźviedzieŭ u intervju prahramie «Viestki ŭ subotu» na kanale «Rasija 1».
Pavodle Miadźviedzieva, niama ŭpeŭnienaści ŭ tym, što «prychod na hety rynak pastaŭščykoŭ zbroi ź inšych krain ablehčyć situacyju». Jon vykazaŭ mierkavańnie, što situacyja, «chutčej za ŭsio, stanie bolš składanaj».
U Jerevanie zajavili, što azierbajdžanski bok upieršyniu z pačatku bajoŭ u Nahornym Karabachu ŭžyŭ reaktyŭnyja ŭstanoŭki załpavaha ahniu «Śmierč». U Baku zrabili spravazdaču ab źniščeńni 20 adzinak bajavoj techniki praciŭnika.
«Ja liču, što zbroja moža i pavinna nabyvacca nie tolki dla taho, kab jaje kali-niebudź vykarystoŭvać, a dla taho, kab jana była faktaram strymlivańnia, i voś hety momant treba aceńvać ŭsim bakam kanfliktu», — skazaŭ Miadźviedzieŭ.
Napiaredadni ab praciahu pastavak zbroi abodvum krainam u adpaviednaści z kantraktami jak stratehičnym partnioram havaryŭ vice-premjer Dźmitryj Rahozin.
Zajavy premjera Miadźviedzieva prahučali na fonie ŭzajemnych abvinavačvańniaŭ azierbajdžanskaha i armianskaha bakoŭ u parušeńni ŭmovaŭ pieramirja, dasiahnutaha 5 krasavika.