 |
Pa ŭmovach hetaj prahramy siamji vydzialajecca katedž z meblaj i bytavoj technikaj. Miascovy vykankam zabiaśpiečvaje pryjomnych baćkoŭ i hrašyma na dziaciej, apłočvaje ŭsie kamunalnyja pasłuhi, paviedamlajuć naviny.by sa spasyłkaj na hazetu Respublika.
Hałoŭny partnior BDF sponsar prahramy «Ciopły dom» apošnija try hady — mižnarodnaja arhanizacyja ź Irlandyi ‑‑ «Chernobyl children's project» («Prajekt dapamohi dzieciam Čarnobyla»).
Mienavita jana vydzieliła hrošy na budaŭnictva siamiejnaha dziciačaha domu ŭ Kapyli. Vykanaŭčy dyrektar hetaj arhanizacyi Edzi Roŭč — pieršaja z zamiežnych hramadzian, uznaharodžanaja ordenam Franciška Skaryny. Aproč taho, jana suaŭtar dakumentalnaha filmu «Čarnobylskaje serca», jaki ŭ 2004 h. atrymaŭ «Oskar».
U Irlandyi hrošy na dabračynnuju arhanizacyju achviarujuć i prostyja irlandcy i bahatyja sponsary.
Adzin ź ich — lider rok‑hurtu «U2» Bona (Poł Devid Chjusan), viadomy svajoj dabračynnaj dziejnaściu. Na minułym tydni jahonaja žonka naviedała Biełaruś i pabyvała ŭ Čarnobylskaj zonie.
Na minułym tydni ŭ Irlandyi prajšła dabračynnaja akcyja «Čarnobylski tydzień». Pradstaŭniki arhanizacyi jeździli pa krainie, raspaviadali pra katastrofu na AES, źbirali achviaravańni.
«Chernobyl children's project» pracuje ŭ Biełarusi ŭ 1991 h. Heta arhanizacyja ŭžo akazała dapamohu našaj krainie ŭ pamiery 73 miljony eŭra.
