14 krasavika ŭ Stambule na palach samitu Arhanizacyi isłamskaha supracoŭnictva adbyłasia sustreča prezidentaŭ Biełarusi i Kazachstana Alaksandra Łukašenki i Nursułtana Nazarbajeva.
«My z vami ŭžo praviali praciahłyja pieramovy, abmierkavali prablemy jak mižnarodnyja, tak i miascovyja, damovilisia pra vaš vizit u Biełaruś i moj pryjezd u Kazachstan», — skazaŭ Łukašenka ŭ pačatku sustrečy.
Pavodle słoŭ kiraŭnika biełaruskaj dziaržavy, budučyja sustrečy na najvyšejšym uzroŭni daduć mahčymaść surjozna praanalizavać prablemnyja momanty, jakija ŭźnikajuć pad upłyvam suśvietnaha ekanamičnaha kryzisu.
«Siońniašniaja sustreča — heta krok da taho, kab abmiarkoŭvać hetyja pytańni i prablemy», — adznačyŭ Łukašenka.
Nursułtan Nazarbajeŭ, u svaju čarhu, vykazaŭ zadavalnieńnie tempami raźvićcia ekanamičnych adnosin pamiž krainami.
Pa słovach kiraŭnika Kazachstana, u kancy maja ŭ Astanie płanujecca mierapryjemstva na vyšejšym uzroŭni ŭ farmacie JEAES. «Dumaju, u nas tam budzie asobnaja sustreča, mahčymaść źvieryć hadzińniki. My — brackija krainy, u nas ahulnyja mety, ahulnyja pamknieńni i sajuźniki », — padkreśliŭ Nazarbajeŭ.