Zhodna sa źviestkami Nacyjanalnaha statystyčnaha kamiteta za 2014 hod, kala 60% biełarusaŭ va ŭzroście ad šaści hadoŭ karystalisia Internetam. Bajnet siońnia prapanoŭvaje sajty na luby hust. A chto pamiataje, jak jon vyhladaŭ usiaho 15 hadoŭ tamu, u kancy 90-ch i pačatku 2000-ch, kali kolkaść karystalnikaŭ Interneta nie pieravyšała 2% ad nasielnictva Biełarusi?
Sajt Administracyi prezidenta Biełarusi. 2 kastryčnika 1999 h.
Na sajcie, jaki mieŭ vielmi ścipły dyzajn, možna było znajści samuju asnoŭnuju infarmacyju pa dziejnaści prezidenta Biełarusi i roznych ministerstvaŭ. Była śpiecyjalnaja forma pakinuć kamientar. Biełaruskamoŭnaj viersii nie było.
Šyroka aśviatlałasia tema NATAŭskich bambavańniaŭ Juhasłavii.
Sajt mieŭ asobny raździeł «Biełaruś i Rasija», pryśviečany tak zvanaj Sajuznaj dziaržavie. Tut navat źmiaščaŭsia forum, «pośviaŝiennyj dalniejšiemu jedinieniju Biełarusi i Rośsii».
Na forumie možna było pabačyć cikavyja kamientary, nakštałt «Kali hramadzianie Rasii i Biełarusi majuć roŭnyja pravy, to čamu b Łukašenka nie vysunuć svaju kandydaturu na bližejšyja prezidenckija vybary ŭ Rasii? Ja b prahałasavaŭ «za»» ad Vadzima Bondara z Rasii.
A Ricardas Savukynas ź Litvy zaklikaŭ brać prykład ź Biełarusi, bo «u Litvie pravodziać niapravilnuju ekanamičnuju palityku».
Radyjo Svaboda. 11 maja 2000 h.
Niahledziačy na prosty dyzajn, sajt biełaruskaj słužby «Radyjo Svaboda» byŭ davoli funkcyjanalnym dla tych časoŭ. Akramia stužki z navinami, možna było znajści roznyja tematyčnyja rubryki i prasłuchać aŭdyjo-archiŭ pieradač.
11 maja 2000 h. hałoŭnymi navinami byli:
1. «Naša Niva» asprečvała papiaredžańnie, vyniesienaje Dziaržaŭnym kamitetam u spravach druku.
2. Kryminalnaja sprava suprać Mikoły Statkieviča za arhanizacyju biesparadkaŭ.
3. Spynieńnie spravy zastupnika staršyni BNF.
Jak bačym, sajt istotna źmianiŭsia za apošnija 16 hadoŭ, ale tematyka navin za 2000 hod mała adroźnivajecca ad navin 2016 hoda.
TUT.BY. 6 śniežnia 2000 h.
Na toj momant sajt byŭ nie samym zručnym, adnak davoli funkcyjanalnym. Na resursie było šmat tematyčnych razdiełaŭ, prysutničała opcyja pošuku pa cenach na kampjutary ŭ Minsku.
Na pačatku śniežnia 2000 h. TUT.BY mieŭ 14 tysiač karystalnikaŭ paštovaha siervisu i 150 tysiač prahladaŭ tytulnaj staronki.
Onliner.by. 3 sakavika 2001 h.
Sajt źjaviŭsia ŭ 2001 hodzie i ŭjaŭlaŭ saboj błoh z forumam. Tut možna było znajści infarmacyju pra apošnija navinki mabilnaj suviazi, vodhuki pra mabilnych apierataraŭ (na toj momant — Belcel i Velcom) i hetak dalej.
Užo paźniej na sajcie pačała źjaŭlacca infarmacyja pra kampjutarnyja kamplektujučyja.
Biełtelekam. 20 maja 2000 h.
Sajt nacyjanalnaha apieratara elektrasuviazi nahadvaje nam pra časy hipierinflacyi, kali taryfy na tavary i pasłuhi źmianialisia ź niejmaviernaj chutkaściu: «Z 16 maja ŭ suviazi ź inflacyjnymi pracesami, jakija praciahvajucca, pavialičylisia taryfy pasłuhi elektrasuviazi».
Akavita. 6 sakavika 2000 h.
Sistema rejtynhu biełaruskich sajtaŭ «Akavita» była stvorana ŭ 1999 hodzie Fiodaram Karalenkam. U śviecie na toj momant było tolki niekalki padobnych resursaŭ. Zhodna ź infarmacyjaj na sajcie, «Akavita» zajmałasia «kłasifikacyjaj, rejtynham i statystykaj kryvickich Web-sajtaŭ».
Hurt N.R.M.
Eneremaŭcy byli adnym ź niešmatlikich hurtoŭ, chto tady mieŭ ułasnuju staronku ŭ Siecivie. Z 1999 hoda na sajcie źjaŭlalisia naviny, abnaŭlałasia dyskahrafija, fotahalereja, byŭ davoli aktyŭny forum.
Pałata pradstaŭnikoŭ Nacyjanalnaha schodu Biełarusi. 5 červienia 2004 h.
Hety sajt źjaviŭsia paźniej za apisanyja vyšej — tolki ŭ 2004 hodzie.
Cikavy toj fakt, što za 12 hadoŭ isnavańnia vyhlad sajta nie źmianiŭsia.
