Pa mienšaj miery 77 čałaviek zahinuli i 600 paciarpieli ŭ vyniku ziemlatrusu ŭ Ekvadory, paviedamlajuć infarmahienctvy.
Reuters
Ziemlatrus mahnitudaj 7,8 adbyŭsia ŭ noč na 17 krasavika la bierahoŭ Ekvadora. Epicentr padziemnych šturškoŭ znachodziŭsia ŭ 14 km na paŭnočny zachad ad horada Piedernales. Ačah stychii zalahaŭ na hłybini 10 km.
Ziemlatrus źniščyŭ vialikuju kolkaść budynkaŭ, u tym liku i žyłych damoŭ u prybiarežnych rehijonach. U mnohich rajonach adsutničaje elektryčnaść i vodazabieśpiačeńnie, nazirajucca pieraboi z suviaźziu. U pravincyi, paciarpiełyja ad udaru stychii, nakiravana 10 tysiač vajskoŭcaŭ i 3,5 tysiačy palicyjantaŭ. Śpiecyjalisty pracujuć nad likvidacyjaj nastupstvaŭ ziemlatrusu, viaduć razbor zavałaŭ i ramantujuć linii elektrapieradačy. U krainie abjaŭleny režym nadzvyčajnaha stanovišča.
Jak paviedamlaje MZS Biełarusi, biełarusaŭ siarod paciarpiełych ad ziemlatrusu ŭ Ekvadory niama.
