Ź niadzieli 155 krain pierachodziać na vykarystańnie novaj vakcyny suprać polijamielitu.
Tysiačy śpiecyjalistaŭ buduć nazirać za pierachodam na novuju vakcynu ŭ 155 krainach na praciahu nastupnych dvuch tydniaŭ.
Novaja viersija vakcyny bolš nie budzie ŭklučać u siabie asłableny varyjant 2-ha typu virusa polijamielitu, jaki byŭ likvidavany ŭ 1999 hodzie.
Doktar Styvien Kočy z amierykanskaha Centra pa kantroli i prafiłaktyki zachvorvańniaŭ tłumačyć: «Isnujučaja vakcyna źmiaščaje žyvy asłableny virus, jaki adnosicca da troch typaŭ polijamielitu. Adnak nam nie patrebien druhi kampanient, bo jon bolš nie sustrakajecca ŭ śviecie».
U vielmi redkich vypadkach vakcyna moža mutavać u formu cyrkulavałaha virusa vakcynnaha pachodžańnia.
«Tamu vydaleńnie 2-ha typu z vakcyny likviduje hetuju ryzyku i harantuje, što my vykarystoŭvajem vakcynu, jakaja pracuje lepš z kožnym razam», — kaža Kočy.
U 2015 hodzie byli zafiksavanyja 74 vypadki zachvorvańnia, z pačatku hetaha hoda adznačana 10 vypadkaŭ.
Zachvorvańni fiksujucca ŭ Afhanistanie i Pakistanie. Afryka zastajecca svabodnaj ad polijamielitu ŭžo bolš za hod.
Polijavirus atakuje šeraje rečyva śpinnoha mozhu čałavieka i moža pryvieści da paraliču. Polijamielit nievylečny, jaho možna tolki praduchilać.