Kali b arhientyniec Lijanel Miesi i partuhalec Kryšcijanu Ranałdu vystupali ŭ čempijanacie Rasii, to nie zdoleli b zabić bolš za 20 miačoŭ za siezon. Takoje mierkavańnie vykazaŭ forvard pieciarburhskaha «Zienita» Arciom Dziuba.
TASS
«Nie viedaju, čamu ŭsie dumajuć, što ŭ našym čempijanacie zabivać lohka. Dumaju, što Miesi i Kryšcijanu nie zabili b u nas bolš za 20 hałoŭ (za siezon). Vyjšli b na pole ŭ Piermi pry minus 30, a tam jašče i Biełarukaŭ (abaronca «Amkara»)», — pryvodzić TASS słovy Dziuby.
Z 2004 hoda Lijanel Miesi, jaki piać razoŭ pryznavaŭsia najlepšym futbalistam hoda, u 342 matčach čempijanatu Ispanii zabiŭ 308 miačoŭ.
Kryšcijanu Ranałdu, jaki staŭ najlepšym hulcom płaniety trojčy, z 2009 hoda pravioŭ u čempijanacie Ispanii 233 matčy i vyznačyŭsia 256 razoŭ.
Dziuba za 294 matčy ŭ karjery zabiŭ 101 miač.
