U Mazyry 18 krasavika adbyłosia DTZ z udziełam aŭtamabila «BMV 316» i matacykła «Suzuki».
Jak paviedamili va UDAI UUS Homielskaha abłvykankama, kiroŭca «BMV» 1957 hoda naradžeńnia, ruchajučysia pa vulicy Mira, pry pavarocie na bulvar Junactva sutyknuŭsia z matacykłam «Suzuki», jaki ruchaŭsia nasustrač. Matacykł byŭ biez numarnoha znaka, im kiravaŭ 29-hadovy mužčyna, jaki pazbaŭleny paśviedčańnia vadziciela da 2023 za kiravańnie transpartnym srodkam u stanie ałkaholnaha apjanieńnia, paŭtorna na praciahu hoda. Usiaho jon pryciahvaŭsia da administracyjnaj adkaznaści za parušeńnie praviłaŭ darožnaha ruchu 17 razoŭ, ź ich čatyry — za kiravańnie transpartam u stanie ałkaholnaha apjanieńnia.
U vyniku zdareńnia kiroŭca matacykła atrymaŭ cialesnyja paškodžańni i byŭ špitalizavany ŭ balnicu.
