U jubilejny dla siabie hod AAT «Lidskaje piva» vypuściła novy fłahmanski pradukt — piva «Lidskaje. Lehienda».
Novy pradukt pryśviečany zasnavalniku pradpryjemstva Nosielu Pupko.
«Lidskaje. Lehienda» — śvietłaje piva ź miakkim smakam, pryjemnym chmielevym vodaram i lohkim saładovym paślasmakam. U liniejcy hatunkaŭ brenda «Lidskaje» padobnaha pa bałansie piva da 2016 hoda nie było: usie napoi sychodzili ŭ bok lohkaści abo paŭnaty, abo pavyšanaha ŭtrymańnia ałkaholu.
Pry vareńni vykarystoŭvaŭsia nizavy sposab zakisańnia. «Lidskaje. Lehienda» całkam adpaviadaje niamieckamu zakonu ab čyścini pivavarstva: u skład uvachodziać tolki tradycyjnyja inhredyjenty biez zamutnialnikaŭ, kansiervantaŭ i stabilizataraŭ.
Raźliŭ «Lidskaha. Lehiendy» pačaŭsia 15 krasavika. A na pryłaŭkach pieršaja partyja novaha praduktu źjaviłasia siońnia, 19 krasavika. Kaštavać jano maje paradku 15 000 rubloŭ za 0,5 litra ŭ šklanoj butelcy. Taksama «Lidskaje. Lehienda» budzie vypuskacca ŭ PET-upakoŭcy 1 i 1,5 litra.
U novym łahatypie AAT «Lidskaje piva» sfakusavałasia na nazovie i simvale kampanii — aleniu. Etykietka fłahmanskaha pradukta — biełaruskamoŭnaja.
«Siońnia naša zadača — nahadać biełarusam, što kožny moža stać lehiendaj. Hałoŭnaje — zachacieć!» — kaža hiendyrektar «Lidskaha piva» Aŭdrus Mikšys.
Novy firmovy styl budzie vykarystany dla hatunkaŭ ŭsioj liniejki brenda «Lidskaje», abiacajuć na pradpryjemstvie.
