U Minsku «Łada» prezientavała novy krasovier XRAY, jaki, pa słovach pradstaŭnikoŭ kampanii, zrobleny dla rasijskich daroh.
Vytvorcy zrabili vialiki nacisk na šasi. U dadatak da hetaha nadziejnaść aŭto budzie padtrymlivać dvuchbakovaja acynkoŭka vonkavych panelaŭ kuzava, antykarazijnaja apracoŭka dna i schavanych paražnin kuzava, 195 mm darožnaha praśvietu i šyny z aptymalnaj vyšynioj profilu jak dla asfaltu, tak i dla hruntu.
Vytvorcy ŭ jakaści plusaŭ adznačajuć dastatkova šmat mahčymaściaŭ aŭto navat u bazavaj kamplektacyi. U jaje, naprykład, buduć uvachodzić paduški biaśpieki kiroŭcy i pasažyra, funkcyja kursavoj ustojlivaści ESC (praduchilaje zanos aŭtamabila), ramiani biaśpieki ź miechanizmam papiaredniaha naciažeńnia i abmiežavańnia nahruzki i inš.
Bazavaja kamplektacyja Lada XRAY:
- čatyrochcylindravy bienzinavy ruchavik ad Nissan abjomam 1596 kub/sm i maksimalnaj mahutnaściu 106 k.s.
- z maksimalnaj chutkaściu ŭ 176 km/h
- z časam razhonu 11,4 siekund da 100 km/h
- 9,3 ł. na 100 km pa horadzie, za horadam — 5,9 litraŭ, źmiešany — 7,2
- piacistupienistaja tranśmisija
- piaredniaja padvieska: niezaležnaja, typu Makfiersan, spružynnaja, z hidraŭličnymi abo hazanapoŭnienymi teleskapičnymi amartyzatarami, sa stabilizataram papiaročnaj ustojlivaści
- zadniaja padvieska: paŭzaležnaja, ryčažnaja, spružynnaja, z hidraŭličnymi abo hazanapoŭnienymi teleskapičnymi amartyzatarami
- miechaničnaja karobka pieradač
- piarednija viadučyja koły
U bazavaj kamplektacyi siońnia krasovier abydziecca ŭ 190 miljonaŭ biełaruskich rubloŭ.