Rychtujecca rašeńnie ab tym, što z maja hetaha hoda Vierchni horad stanie piešachodnaj zonaj ceły hod, a nie tolki ŭ vychadnyja dni, jak u ciapierašni čas. Vyklučeńnie budzie zroblena dla transpartu, jaki absłuhoŭvaje abjekty hramadskaha charčavańnia, sacyjalna-kulturnaha pryznačeńnia, raźmieščanyja tam.
«Kłasika la ratušy», 2015
Nahadajem: u mai na terytoryi Vierchniaha horada adkryvajecca letni muzyčna-turystyčny siezon. Pa vierasień kožnyja vychadnyja tut vystupajuć vuličnyja teatry, muzyki, pracuje kirmaš ramiesnych vyrabaŭ.
Užo viadoma, što sioleta adbuducca fiestyvali «Džazavyja viečary» i «Kłasika la ratušy», jakija źbirali anšłahi na płoščy Svabody minułym letam.
«Chaciełasia b pavialičyć pryvatnuju inicyjatyvu. Kab prajekty, jakija pryciahvajuć haradžan i turystaŭ u Vierchni horad, realizoŭvalisia nie tolki za košt biudžetnych srodkaŭ, ale i tych ułaśnikaŭ, chto pracuje na hetaj terytoryi, - adznačyŭ namieśnik staršyni Minharvykankama Ihar Karpienka. - Raźličvajem na aktyŭnaść tvorčych sajuzaŭ, muzyčnych kalektyvaŭ, u jakich jość žadańnie prademanstravać siabie tut «.
