Biznesmien Donald Tramp paabiacaŭ źmianić imidž, kali budzie naminavany ŭ jakaści adzinaha kandydata na pasadu prezidenta ZŠA ad Respublikanskaj partyi.
Uviečary ŭ čaćvier pamočniki Trampa praviali sustreču z členami Respublikanskaha nacyjanalnaha kamiteta, i zapis hetaj sustrečy akazaŭsia ŭ rasparadžeńni ahienctva Asašyejted pres.
Tom Manaford, novy staršy pamočnik Trampa, zajaviŭ, što ŭ svaich vystupach padčas vybarčaj kampanii Tramp admysłova stvaraje peŭny imidž. Pa słovach Manaforda, Tramp razumieje, što jamu treba zhładzić hety vobraz.
«Vy ŭbačycie zusim inšaha čałavieka», — paabiacaŭ Manaford.
Heta, na dumku Manaforda, pavinna vypravić admoŭnyja rejtynhi Tramp u niekatorych hrup nasielnictva.
Pamočnik Trampa prapanavaŭ lidaram respublikancaŭ pačakać, pakul Tramp skončyć pieršuju fazu hetaj roli i paŭstanie pierad imi ŭ inšym vobrazie.
