Alaksandr Łukašenka pryznačyŭ troch novych sudździaŭ Viarchoŭnaha suda. Adpaviednaje rašeńnie ŭtrymlivajecca va ŭkazie prezidenta № 153 ad 21 krasavika, apublikavanym na Nacyjanalnym pravavym internet-partale.
Sudździoj Viarchoŭnaha suda z nastupnym uzhadnieńniem hetaha pryznačeńnia z Savietam Respubliki Nacyjanalnaha schodu Respubliki Biełaruś pryznačany Andrej Jafimaŭ (hetym ža ŭkazam jon vyzvaleny ad pasady namieśnika staršyni i sudździ Minskaha haradskoha suda). Pa ŭzhadnieńni z Savietam Respubliki sudździami Viarchoŭnaha suda taksama pryznačanyja Ała Kryvickaja i Viktar Šylčonak.
Kiraŭnik dziaržavy vyzvaliŭ ad pasad i pryznačyŭ novych sudździaŭ šerahu abłasnych i rajonnych sudoŭ, źmianiŭ skład prezidyumaŭ Viarchoŭnaha, Homielskaha abłasnoha i Minskaha haradskoha sudoŭ.
