 |
Łord Bieł paćvierdziŭ infarmacyju ab tym, što nakiravaŭ u Minsk prahramu dziejańniaŭ, adnak admoviŭsia kamientavać jak samu prahramu, hetak i mahčymy kantrakt ź biełaruskim bokam. «Zvyčajna ja nie paviedamlaju presie ab svajoj pracy», — zajaviŭ pijar‑mieniedžer.
Nahadajem, što 13 sakavika Cimaci Bieł sustrakaŭsia ŭ Minsku z Alaksandram Łukašenkam. Zhodna z aficyjnymi paviedamleńniami, heta byŭ «pryvatny dziełavy vizit». Paśla sustrečy łord Bieł paviedamiŭ žurnalistam, što jaho kampanija pracuje ŭ mnohich krainach śvietu «nad vybudovaj imidžu». Pavodle jaho słoŭ, na infarmacyjnych interniet‑resursach vielmi šmat «dvudušnych i kryvadušnych kamientaryjaŭ» u dačynieńni da Biełarusi. «Čakajecca surjoznaja praca, kab heta vypravić», — skazaŭ C.Bieł. Hałoŭnaje, padkreśliŭ jon, kab infarmacyja, što adlustroŭvaje stanovišča spraŭ u krainie, była spraviadlivaj i adpaviadała rečaisnaści.
U pačatku krasavika ŭ ŚMI źjaviłasia infarmacyja ab tym, što C.Bieł nakiravaŭ u Administracyju prezidenta Biełarusi list z prapanovami pa palapšeńni imidžu krainy. Adnak u administracyi hetyja źviestki nie paćvierdzili.
