Biełarusy, čyjo mabilnaje dastasavańnie Masquerade nabyŭ u sakaviku Facebook, zapłaciać padatki ad prodažu kampanii ŭ Biełarusi. Pra heta raspavioŭ Siarhiej Niaŭhień, suzasnavalnik kampanii, padčas kanfierencyi Venture Day Minsk 21 krasavika.
Dakładnaja suma padatkaŭ, jak i cana, jakuju zapłaciŭ Facebook biełarusam, nieviadomaja, pieradaje partał dev.by.
Pa acency biełaruskich IT-biznesoŭcaŭ, košt MSQRD moža składać ad 10 da 20 miljonaŭ dalaraŭ.
Jaŭhien Niaŭhień i Siarhiej Hančar, suzasnavalniki Masquerade, jaki dazvalaje nakładać raznastajnyja efiekty na videa- i fotavyjavy asob karystalnikaŭ, jašče ŭ pačatku hoda zarehistravali ŭ ZŠA kampaniju Masquerade Technologies, Inc.
Navina ab tym, što Facebook pahłynaje biełaruski startap, źjaviłasia ŭ pačatku sakavika, ale cana trymajecca ŭ sakrecie. Pa słovach CEO Masquerade Jaŭhiena Niaŭhienia, jon i Siarhiej Hančar — rezidenty Biełarusi, a tamu padatki ad prodažu svajoj amierykanskaj kampanii jany zapłaciać u Biełarusi.
