Za pryčynieńnie ciažkaha cialesnaha paškodžańnia pryjdziecca adkazać maładomu čałavieku 1988-ho hoda naradžeńnia, jaki pryjechaŭ u Hrodna da pryjaciela, jaki, u vyniku, i paciarpieŭ.
Z nahody sustrečy haścinny haspadar arhanizavaŭ tavaryšu łaźniu, zaprasiŭšy tudy svaju sužycielku i jaje siabroŭku. Paparylisia, vypili, i ŭ niejki momant niećviarozy minčanin prajaviŭ cikavaść nie da svajoj dziaŭčyny, što aburyła jaje kavalera. Apošni zastupiŭsia za honar pradstaŭnicy supraćlehłaha połu, za što i papłaciŭsia zdaroŭjem. U chodzie svarki jaho apanient schapiŭ u ruki sa stała biljardny kij i pastaŭlennym udaram trapiŭ akurat pryjacielu ŭ voka. Paciarpieły razam ź siabroŭkaj tut ža pakinuli łaźniu, ale mužčyna adrazu da lekara nie źviarnuŭsia. Z ranicy chutkuju dapamohu vyklikała maci paciarpiełaha, jakaja vyrašyła, što sprava surjoznaja. Jak akazałasia, ad udaru nievialikaja častka kostki adkałołasia i prajšła praz uvieś mozh, spyniŭšysia ŭ procilehłym kancy čerapa.
Paciarpieły doŭha nie chacieŭ pryznavacca ab miechaniźmie atrymanaj traŭmy, pakul da spravy nie padklučylisia apieratyŭniki kryminalnaha vyšuku. Padazravanaha zatrymali kalehi ź Minska pry dapamozie śpiecnaza. Supracivu małady čałaviek nie akazaŭ.
