president.gov.by
Ab hetym kiraŭnik dziaržavy zajaviŭ siońnia, adkazvajučy na pytańni žurnalistaŭ.
«Heta tolki sproba padstupicca da vykryćcia karupcyjnych dziejańniaŭ hetaj suśvietnaj mafii, na čale jakoj palityki. Dy i siarod žurnalistaŭ ich niamała, navat tych vydańniaŭ, jakija byli pryciahnutyja nibyta da rasśledavańnia pa «Panamskim skandale». Kazać pra toje, što heta mocnaja antykarupcyjnaja chvala, nie varta», — ličyć kiraŭnik dziaržavy.
Razam z tym, Alaksandr Łukašenka adznačyŭ stanoŭčy bok u tym, što adbyłosia: «Choć na niejki čas niahodnikaŭ, jakija kraduć, trochi prystrašyć».
«Ale jość i inšy bok: buduć bolš chitrejšymi, jak krali, tak i buduć kraści. Nie znajšłosia jašče takoha mietadu ŭ śviecie, kab udaryć pa karupcyjanierach u samy centr. Pahladzim, što budzie dalej. A voś hety ŭvieś verchał ź ničoha i jość toj palityčny składnik. Viadoma, jana bolš palityčnaja, čym praktyčnaja. Ale ŭvieś śviet ubačyŭ, nakolki karumpavany hety samy śviet», — skazaŭ kiraŭnik krainy.
«Heta tam, siarod bahatych, chto maje vielizarnyja dachody ad nafty i hazu — taho, što hospad ŭsim daŭ, mienavita tam hetyja asnoŭnyja karupcyjaniery. Hałoŭnyja — heta palityki, — ličyć Alaksandr Łukašenka. — Kali b siarod palitykaŭ nie było karupcyjanieraŭ, ich nie było b i siarod spartsmienaŭ, žurnalistaŭ, tvorcaŭ… «.
Kiraŭnik dziaržavy ŭpeŭnieny, što kali b, naprykład, u amierykancaŭ było žadańnie pakazać karupcyjny składnik usiaho śvietu, to heta było b zroblena.
«Bo ŭsio heta ŭ asnoŭnym u valucie, dalarach. A kožny dalar u amierykanskich finansavych struktur pierad vačyma. Jany viedajuć, kudy iduć hrošy, dzie ich chavajuć», — skazaŭ Alaksandr Łukašenka.
«Tyja, chto bahaciejšy, i tyja krainy, hramadzianie jakich samyja bahatyja, tam bolš za ŭsio karupcyi. Ale im heta nie treba. Jany strelili, možna skazać, pa vierabjach», — dadaŭ biełaruski lidar.
