Kiraŭnik kampanii Priceline i servisu braniravańnia haścinic Booking.com, jaki joj naležyć, Daren Chatsan padaŭ u adstaŭku z-za ramana z padnačalenaj.
U paviedamleńni na sajcie Priceline Group havorycca, što padazreńni pra suviaź Chatsana z supracoŭnicaj kampanii paćvierdzilisia padčas słužbovaha rasśledavańnia.
Jana nie znachodziłasia ŭ jaho niepasrednym padnačaleńni, adnak navat u hetym vypadku padobnyja adnosiny supiarečać etyčnamu kodeksu kampanii.
Časova vykonvać abaviazki Chatsana jak kiraŭnika firmy budzie Džefry Bojd, užo jaki ŭznačalvaŭ Priceline z 2002 pa 2013 hod. Novym dyrektaram sajta Booking.com stanie Džylijan Tans, jakaja raniej pracavała ŭ jaho kiraŭnictvie.
Daren Chatsan uznačaliŭ kampaniju Priceline ŭ 2014 hodzie i za dva hady pracy zdoleŭ pavialičyć jaje rynkavy košt amal u try razy. Taksama pry im bolš čym u dva razy vyrasł prybytak Booking.com.
