Fota Siarhieja Hudzilina
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu, 30 krasavika, Biełaruś budzie znachodzicca pad upłyvam vobłaści pavyšanaha atmaśfiernaha cisku, na paŭdniovym zachadzie nadvorje budzie farmavać frantalny raździeł. Nadvorje čakajecca pieravažna biez apadkaŭ, tolki ŭ paŭdniova-zachodnich rajonach krainy projduć daždžy, dniom — miescami navalnicy. Nočču i ranicaj u asobnych rajonach Biełarusi słaby tuman.
Tempieratura pavietra minimalnaja nočču +1 + 6°S, miescami 0 — -2°S; maksimalnaja dniom — +12 + 18°S, na paŭdniovym zachadzie +8 + 11°S.
U Minsku istotnych apadkaŭ nie čakajecca. Tempieratura pavietra minimalnaja nočču +2 + 4 ° S, maksimalnaja dniom +13 + 15 ° S.
U niadzielu, 1 maja, Biełaruś zastaniecca ŭ vobłaści pavyšanaha atmaśfiernaha cisku, na fonie jakoha budzie prachodzić małaaktyŭny atmaśfierny front i pryniasie miescami karotkačasovyja daždžy, navalnicy. Nočču i ranicaj u asobnych rajonach tuman.
Tempieratura pavietra minimalnaja nočču +2 + 9°S, maksimalnaja dniom +12 + 18°S, pa poŭdni da + 21°S.
U Minsku čakajecca karotkačasovy doždž. Tempieratura pavietra minimalnaja nočču +5 + 7 ° S, maksimalnaja dniom +13 + 15 ° S.
U pačatku nastupnaha tydnia nadvorje buduć vyznačać małaaktyŭnyja atmaśfiernyja franty, jakija pieramiaščajucca z paŭdniovaha zachadu Jeŭropy. Miescami karotkačasovyja daždžy, navalnicy. Nočču i ranicaj u asobnych rajonach tuman. Tempieratura pavietra minimalnaja nočču +2 + 9 ° S, maksimalnaja dniom +12 + 18 ° S, pa poŭdni da + 21 ° S.
3—5 maja ŭ Biełarusi pieravažna pa zachodniaj pałovie krainy čakajucca karotkačasovyja daždžy, navalnicy. Tempieratura pavietra minimalnaja nočču +4 + 10°S, maksimalnaja dniom +14 — + 21°S, u zachodnich rajonach miescami daždžy +9 — +13°S.
