U race Śvisłač u Minsku vyjaŭlenyja naftapradukty, paviedamiŭ pres-sakratar Minskaha haradskoha ŭpraŭleńnia MNS Vital Demboŭski.
Fota: Upraŭleńnie MNS Minska
Siońnia ŭ 12.40 u MNS ad prachožaha pastupiła infarmacyja ab tym, što ŭ akvatoryi raki Śvisłač u rajonie vuł. Palavoj, 56 vyjaŭlenaja maślanaja plama. Paśla prybyćcia da miesca vykliku apieratyŭnaj hrupy nazirałasia niaznačnaje vyciakańnie vady z damieškam naftapraduktaŭ ź liŭnievaj kanalizacyi (dyjamietr 300 mm) u akvatoryju Śvisłačy (prynaležnaść kanalizacyi vyśviatlajecca). Ahulnaja płošča zabrudžvańnia skłała kala 50 kv.m.
Jak adznačyŭ Vital Demboŭski, dla likvidacyi zdareńnia byli padklučanyja kamunalnyja słužby horada. Vyciakańnie zabrudžanaj vady naftapraduktam łakalizavanat ŭ 13.25. Pryčyna zdareńnia i vinavatyja asoby vyśviatlajucca.
Rabotniki Minskaha kamiteta pryrodnych resursaŭ i achovy navakolnaha asiarodździa, jaki budzie pravodzić rasśledavańnie abstavin zdareńnia, zrabili adbor probaŭ vady z akvatoryi raki dla analizu na zabrudžvańnie naftapraduktami.
