Minskaja milicyja apublikavała svaju viersiju situacyi ź viełasipiednaj «krytyčnaj masaj».
«Siońnia viečaram u Minsku la Teatra opiery i baleta sabralisia viełasipiedysty ŭ kolkaści ad 20 da 30 čałaviek. Niekalki ź ich mieli pry sabie čorna-zialonyja ściahi.
Kala 19.20 kałona nakiravałasia ŭ bok muzieja Vialikaj aAčynnaj vajny. U rajonie steły «Minsk — horad-hieroj» hrupa viełasipiedystaŭ, hruba parušajučy patrabavańni Pravił darožnaha ruchu, vyjechała na prajeznuju častku. Na nieadnarazovyja patrabavańni supracoŭnikaŭ DAI (apošnija vymušany byli vykarystoŭvać hukaŭzmacnialnuju aparaturu i probliskavyja majački) nie reahavali. Pry sprobie spynić supraćpraŭnyja dziejańni i viarnuć ich na tratuar, parušalniki pravaparadku akazali niepadparadkavańnie zakonnym patrabavańniam supracoŭnikaŭ milicyi. A adzin z udzielnikaŭ kinuŭsia ŭ bojku z supracoŭnikam DAI, paškodziŭšy jamu formiennaje abmundziravańnie.
Šaściora zavadataraŭ bojki byli zatrymanyja i dastaŭleny ŭ Centralnaje RUUS h.Minska dla razboru. Ich dziejańniam dajecca pravavaja acenka».
