Učora prajšli čarhovyja matčy čempijanatu Biełarusi pa futbole, startavaŭ piaty tur.
«Dynama» - «Słuck». Fota by.tribuna.com.
U Minsku na stadyjonie «Traktar» «Dynama» prymała «Słuck». Hulnia prajšła pry małoj padtrymcy zaŭziataraŭ, na trybuny pryjšło mienš za tysiaču čałaviek. Usiu hulniu «Dynama» mieła pieravahu, adnak nie atrymlivałasia realizozvać.
U siaredzinie druhoha tajma Siarhiej Hlabko vyvieŭ haściej napierad. Heta byŭ pieršy ŭdar «Słuck» u stvor varot. Praŭda, naprykancy hulni Jarasłaŭ Jarocki dakładnym udaram u kut zraŭniaŭ lik – 1:1.
BATE jeździŭ ŭ Babrujsk da «Biełšyny». Heta matč znoŭ zaśviedčyŭ vialikija prablemy ŭ abaronie čempijonaŭ. Barysaŭcy prapuścili dva miačy. Praŭda, zabili na adzin bolš. Na 89-aj chvilinie pieramohu BATE prynios łatvijski abaronca Kaspar Dubra – 3:2.
«Šachcior» pieramoh doma aŭtsajdera čempijanatu navapołacki «Naftan» – 2:0. A «Minsk» viartajecca z Hrodna ź pieramohaj nad tamtejšym «Niomanam» – 1:0.
Siońnia zhulajuć: «Isłač» – «Dynama» (Brest), «Słavija» – «Viciebsk», «Hranit» – «Haradzieja», «Tarpieda-BiełAZ» – «Krumkačy».
Tablica pakul vyhladaje nastupnym čynam: BATE – 13 punktaŭ (5 hulniaŭ), «Minsk» – 10 (5), «Isłač» – 10 (4), «Dynama» (Minsk) – 9 (5), «Krumkačy» – 8 (4), «Šachcior» – 7 (5), «Słuck» – 6 (5), «Tarpieda-BiełAZ» – 5 (4), «Hranit» – 5 (4), «Biełšyna» – 5 (5), «Viciebsk» – 4 (4), «Haradzieja» – 4 (4), «Słavija» – 4 (4), «Dynama» (Brest) – 3 (4), «Nioman» – 2 (5), «Naftan» – 1 (5).
